Gutxi gorabeherako aurrekontu bat eska dezakezu webgunean; bost minutu eskas beharko dituzu. Eta, gustatzen bazaizu, doan deituko diguzu xehetasunak argitzeko eta zenbatean geldituko litzaizukeen ikusteko. Gu arduratuko gara gainerako guztiaz, paperik eta bestelako endredorik gabe.

Bai, kontrata dezakezu aseguru berri bat egun duzuna amaitu baino lehen. Hori bai, ziurtatu hasiera-data behar bezala adierazten diguzula eta ezeztatzen duzula egun daukazuna, asegurua bikoiztuta ez edukitzeko. Jarri lasai gurekin harremanetan, informazio gehiago behar baduzu.

Guk ezin diogu baja eman zure egungo aseguruari, telefoniaren kasuan egingo genukeen bezala; legeak eskatzen du zuk zeuk egin behar duzula. Jarri harremanetan zure egungo konpainiarekin eta informa zaitez baja emateko eman beharreko pausoez, eta ziurtatu data hori adierazteaz Yoigorekin egingo duzun aseguruaren hasierako egun gisa.

Prezioak zenbait faktore hartzen ditu kontuan, hala nola etxebizitza-mota, tamaina, akaberak eta segurtasun-neurriak. Gure konfiguratzaileak minutu bat baino arinago egiten du lan hori. Bizkor eta erraz!

Bai, hilez hil ordaindu dezakezu asegurua, edo urteko ordainketa bakarrean (hileko prezioarekiko % 20ko deskontuarekin)

Etxe-asegurua kalkulatzeko beste gailu batzuekin alderatuta —katastroko erreferentzia ere eskatzen baitute—, Yoigoren kalkulagailuarekin, datu oinarrizkoenak baino ez dituzu behar. Erraz-erraz, eta konplikaziorik gabe!

Ez dago arazorik! Kontratazioa egitean, adierazi behar diguzu lehendik kontratatuta dauzkazula MAPFREko beste produktu batzuk. Hala, MAPFREren deskontuez zein MASMOVILen deskontuaz baliatzen zara telefoniaren fakturan.

Bai. Yoigoren bezeroa bazara eta etxe-asegurua gurekin kontratatzen baduzu, hilean 5 €-ko deskontua (BEZa barne) aplikatuko dizugu automatikoki betiko zure telefonia-fakturan. Deskontu hori indarrean egongo da, baldin eta Yoigoko telefonia-bezeroa bazara eta zure etxe-asegurua aktibo badago. Zure etxe-asegurua hilaren 25etik aurrera aktibatzen bada, kontuan izan zure deskontua hurrengo hilabetetik aurrera ikusiko duzula; izan ere, telefonia-fakturak bidalita egoten dira egun horretarako. Ez arduratu, zuk eskatu beharrik gabe aplikatuko baitugu.

Bai. Kontratuak adina deskontu meta ditzakezu fakturan. Yoigorekin baldin badauzkazu aseguratuta zure ohiko etxebizitza eta bigarrena —edo gurasoena—, bi deskontu izango dituzu fakturan. Deskontu horiek gehitu egingo zaizkie argia eta gasa kontratatzean eskura ditzakezunei ere. Yoigo da!

Bai, ezinbestekoa da suteetatik babesten duen aseguru bat kontratatzea hipotekatutako etxeetan. Baina ez da nahitaezkoa hipoteka ematen dizun bankuarekin kontratatzea. Hipotekaren baldintzen, maileguaren tamainaren eta aseguruaren beraren prezioaren mende egongo da hipoteka banketxearekin kontratatzea merkeagoa izatea, eta, beraz, kontuz aztertu behar duzu kontratatu aurretik.

Ez da egia, inondik ere ez. Nahitaezkoa da suteak bere gain hartuko dituen aseguru bat izatea hipoteka bat kontratatzean, baina zeuk nahi duzuna aukeratu dezakezu. Baloratu eta alderatu ondo, ea merezi dizun eskaintzen dizuten asegurua kontratatzea edo hobe den zuk zeuk bilatzea zeure kabuz.

Legez, ez. Hala ere, gomendagarria da hirugarrenen aurrean erantzukizun zibila estalita edukitzea, gutxienez. Zergatik? Zure aseguruak hartuko dituelako bere gain edozein gorabehera konpontzen laguntzeko gastuak, baldin eta zure etxean bizilagunei eragiten dien zerbait gertatzen bada inoiz. Hobe aurrea hartzea...

Estaldurak bereizita edukiz gero, maizterraren aseguruak edukia baino ezin du estali. Edukitzailearen erantzukizuna, aldiz, jabearena da. Hala ere, maizterrak gehi diezazkioke estra batzuk aseguruari, hala nola ateak, leihoak edo alokairu-aldian maizterrak berak egindako berritzeak.

Maizterrak kalteak eragiten baditu zure etxebizitzan asmo txarrez, ekintza bandalikotzat hartuko da. Polizak hartuko ditu bere gain, 3.000 € arteko mugarekin. MAPFREk konponketaren zenbatekoa ordainduko dizu. Estaldura horri esker, beti egoera onean izango duzu etxea.

Istripu baten ondorioz kalteren bat jasaten duen telefoniako, informatikako edo irudiaren arloko edozein aparatu hartzen du bere gain. Estaldura horrek 100 €-ko frankizia du (hau da, 240 €-ko konponketa egiteko, MAPFREk 140 € pagatuko dizkizu). Gainera, teknologia-elementuen kasuan, gehienez ere altzarietarako aseguratutako zenbatekoaren % 5 izango da muga, eta 3.000 euroko muga izango da ezbehar bakoitzeko eta aseguru-urteko.

Bai. Gure aseguruarekin estalita edukiko dituzu etxetresna elektrikoen konponketa-lanak (eskulanaren lehen 3 orduak), bai eta erabilitako materialak ere, betiere konponketaren balioa ez bada 300 €-tik gorakoa eta etxetresna elektrikoak 10 urte baino gehiago ez baditu.

Lapurretak indarkeria baliaturik egiten dira; ebasketak, berriz, ez. Nolanahi ere, bi kasuak hartzen ditu bere gain gure aseguruak.

Aseguruen eta Aparteko Arriskuen Konpentsazio Kontsortzioa arduratzen da hondamenditzat kalifikatzen diren eta etxe-aseguruek beren gain hartzen ez dituzten ezohiko arriskuez. Zehazki, kasu hauetan babesten ditu etxejabeak: lurrikarak, itsasikarak, erupzio bolkanikoak, gorputz sideralak erortzea, ezohiko uholdeak edo ekaitz klimatiko ezohikoak.

Lehenik eta behin, peritu batek kalteak balioetsiko ditu, kalte-ordain guztien zenbatekoa zehazteko. Kontsortzioak hartzen badu kalteen gaineko ardura, haiek ezarriko dute kalte-ordainaren batura.

Hitz gutxitan esanda: edukitzailea etxea bera da, eta edukia, berriz, barruan dagoena eta mugi daitekeena. Adibidez: parketa edukitzailea da, eta alfonbra, aldiz, edukia.

Edukitzailea etxea bera da. Hau da:

• Etxebizitzaren egiturazko elementu guztiak (hormak, zoruak, teilatuak, eta abar), bai eta dekorazio-akaberak ere (parketa edo moldura, adibidez).
• Instalazioak, hala nola ur- eta gas-hodiak edo kable guztiak (entxufeak barne).

Bai, edukitzailetzat hartzen dira, nahiz eta gerta litekeen etxetik “kanpo” egotea. Edukitzailetzat hartzen da, orobat, etxebizitzaren eraikin berean dagoen eta modu pribatuan eta esklusiboan erabiltzen den edozein gela (trasteleku bat, adibidez).

Aseguruaren edukitzailea egiturazko edo instalazioetako edozein elementuri dagokio; berdin du etxea erostean baldin bazeneukan, edo eraberritze, hobekuntza edo birgaitze baten parte izan den. Halere, eraberritze-lanak egiten dituen enpresaren bermeek hartu behar dituzte bere gain eraberritzeetan sor daitezkeen arazoak.

Edukia, erraz ulertu ahal izateko, etxe barruan dagoen eta mugi daitekeen guztia da. Hau da, etxebizitzan ditugun jabetza guztiak, hala nola arropa, altzariak, tresna elektronikoak edo baliozko objektuak (baita janaria ere!). Edukiari dagokionez, bi gauza garrantzitsu hartu behar dira kontuan:

• Asegurua kontratatzean adierazten dugun zenbatekoak aseguruaren kostuari eragiten dio, baina definitzen du, orobat, zenbateraino babesten gaituen ere.
• Bitxiek eta baliozko objektuek funtzionamendu propioa dute aseguruan, eta beste modu batera estaltzen dira.

Bada, etxean daukazun guztia. Arropa, altzariak, tresna elektronikoak, etxetresna elektrikoak... Baita izarak eta eskuoihalak ere. Eta dekorazio-objektuak ahaztu gabe!

Oro har, ez ditu barne hartzen aseguratuaren jabetzakoak ez diren ondasunak, ezta harekin bizi direnaren jabetzakoak ez direnak ere, hala nola ibilgailua, bestelako ibilgailu motordunak, bankuko billeteak, animalia eta maskotak, eta kateatu gabeko harribitxiak. Elementu horietakoren bat sartu nahi baduzu, deitu guri kontsultatzeko.

Ez. Objektu horiek berariaz adierazi behar dira aseguruak barne har ditzan; izan ere, tratu eta muga desberdinak dituzte.

Gehienetan, objektu bakoitzaren jatorrizko erosketa-prezioarekin. Hori bai, gogoan izan: zenbat eta gehiago estali, orduan eta handiagoa izango da aseguruaren kuota. Zalantzarik baduzu, jarri gurekin harremanetan eta lagunduko dizugu.

Bitxiak edo balio bereziko objektuak aseguratuta eduki nahi badituzu, hobe da guri deitzea; agente espezializatu batek lagunduko dizu prozesu horretan. Hark azalduko dizu prozesuari, mugei eta zenbatekoei buruzko guztia. Objektu teknologikoak (hala nola telebista edo argazki-kamera) ez dira aseguratzen baliozko objektu gisa, altzari gisa baizik.

Badira beste dokumentu batzuk, baliagarriak izan daitezkeenak perituarentzat ezbeharra gertatuz gero kalte-ordainaren kostua ezartzerakoan, hala nola bitxigile baten tasazioa edo argazki bat.

Ez bazaude ados gorabehera baten ondoren MAPFREk eskaintzen dizun konpentsazioarekin, zenbait aukera dituzu. Beste balorazio bat eskatzeaz gainera, Aseguratuaren Defendatzailearengana jo dezakezu erreklamazio bat jartzeko eta ebazpen objektibo bat lortzeko. Edozein zalantza izanez gero, ez onartu lehen kalte-ordaina eta gorde ahalik eta froga gehien (argazkiak, fakturak, eta abar).

Bada, zoritxarrez, ez dira egongo estalita lapurretarik edo ezbeharrik izanez gero, ez baitira hartzen altzaritzat.

MAPFREko zure Bezeroaren Gunearen bidez edo aplikaziotik bertatik.

MAPFREk aurrez jakinaraziko dizkizu zure polizaren muga-eguna eta berritzeari buruzko xehetasunak. Horretarako, gutun bat, mezu elektroniko bat, telefono-dei bat edo jakinarazpen bat egingo dizu MAPFREk. Ziurtatu baduzula muga-egunaren eta berritze-jakinarazpenaren berri. Berritzeari ekin aurretik, garrantzitsua da zure egungo poliza arretaz berrikustea. Horretaz gainera, ondo ulertu behar dituzu poliza horren baldintzak, estaldurak, mugak eta kostuak ere. Horri esker, estalduran aldaketarik egin behar duzun ebaluatu ahal izango duzu. Zure polizan aldaketak egin nahi badituzu, jar zaitez harremanetan MAPFRErekin. Horretarako, eskura dituzu 918 366 486 eta 900 810 694 telefono-zenbakiak.

Kasu gehienetan, estaldurak zure beharren arabera doitzeko aukera emango dizu MAPFREk. Deitu edo joan bulego batera laguntza eskain diezazuten.

Lehenik eta behin, sartu zure Bezeroaren Gunera MAPFREren webgunetik edo aplikaziotik, berrikusi zure polizaren baldintzak eta, ondoren, jarri gurekin harremanetan, izapideei ekiteko.

Aseguru-poliza baten kengarritzat hartzen da zure poltsikotik ordaindu behar duzun zenbatekoa, hau da, MAPFRE ezbehar batekin lotutako gastuak estaltzen hasi aurretik pagatu beharrekoa. Zure aseguru-kontratuan topatuko duzu, oro har, polizako kengarriari buruzko informazioa, zehaztapenen eta baldintzen atalean. Sartu zure eremu pribatuan MAPFREren webgunetik edo aplikaziotik, eta han ikusiko dituzu zure polizaren xehetasun espezifikoak, kengarriaren zenbatekoa barne.

Online egin nahi baduzu, deskargatu MAPFREren aplikazioa hemen edo sartu Bezeroaren Gunean. Azkar eta erraz egingo duzu, zain egon beharrik gabe. Bestela, aukeran duzu 918 366 486 edo 900 810 694 telefono-zenbakietara deitzea edo MAPFREren bulego batera joatea.

Parte bat online aurkez dezakezu zure Bezeroaren Gunetik, dela MAPFREren webgunean, dela aplikazioan. Yoigoren bezero zaren heinean, larrialdiak hiru orduan baino gutxiagoan kudeatuko dira; bestela, dirua itzuliko dizugu. Gertakariari buruzko galderei erantzun besterik ez duzu egin behar, eta geu jarriko gara harremanetan zurekin, zure egoerari ahalik eta konponbiderik onena emateko.